Ikasturtearen hasierarekin batera, Eusko Jaurlaritzak Eskola Bikaina Denontzat jarri du abian, hezkuntza sistema inklusiboagoa, bidezkoagoa eta kalitatezkoagoa lortzeko elkarrizketa eta lan mahaia.

Foro honek hezkuntza arloari lotutako 50 eragile inguru biltzen ditu: Euskadiko administrazio publikoak, alderdi politikoak (EAJ-PNV, PSE-EE, EH Bildu eta PP), sektoreko sindikatuak (LAB, UGT, CCOO, Interinoak), unibertsitateak, gizarte erakundeak eta itunpeko irakaskuntzako patronalak, horien artean Ikasgiltza, Kristau Eskola, AICE, EIBE, Elizbarrutia eta Ikastolen Elkartearekin batera.

Lehen saio horretan parte hartu dute, besteak beste, Ikastetxe eta Plangintza Zuzendaritzak, Familiekin eta Hezkuntza Komunitatearekin Koordinatzeko Zuzendaritzak, Hezkuntza Politiketako, Administrazio eta Zerbitzuetako, eta Gazteria eta Erronka Demografikoko sailburuordetzek. EUDEL, Biltzen, Euskadiko Eskola Kontseilua, Hezkuntza Ikuskaritza eta Irakas Sistema Ebaluatu eta Ikertzeko Erakundea (ISEI-IVEI) ere bertan izan dira.

Adostasunerako eta etorkizun partekaturako gunea

Eskola Bikaina Denontzat taldeak ikasturte osoan zehar lan egingo du helburu argi batekin: hezkuntza-sistema eraldatzea ahalbidetuko duten neurri iraunkor eta errealistak adostea, eskola-segregazioa murriztuz, emaitzak hobetuz eta ikaskuntzaren kalitatea eta eraginkortasuna indartuz.

Comparte esta entrada en tus redes sociales

Facebook

Twitter

Print

Email

Linkedin

Whatsapp